नोंदणी विवाह कायदा कधी पारित झाला?
विवाह यांची नोंदणी करण्यासंबंधीचा कायदा भारतात १८८६ मध्ये पारीत करण्यात आला.


विवाह नोंदणी संदर्भात महाराष्ट्रात सर्वसाधारण कोणते कायदे अस्तित्त्वात आहेत?
विवाह नोंदणी संदर्भात महाराष्ट्रात सर्वसाधारणपणे खालील प्रमुख कायदे अस्तित्त्वात आहेत.

� विशेष विवाह कायदा, 1954
� महाराष्ट्र विवाह मंडळाचे विनियमन आणि विवाह नोंदणी अधिनियम, 1998
� भारतीय ख्रिश्चन विवाह अधिनियम, 1872
� पारशी विवाह आणि घटस्फोट कायदा, 1936





महाराष्ट्र विवाह मंडळाचे विनियमन आणि विवाह नोंदणी अधिनियम, 1998 या कायद्याबाबत थोडक्यात माहीती सांगा?

महाराष्ट्र विवाह मंडळाचे विनियमन आणि विवाह नोंदणी अधिनियम, 1998 हा कायदा दि.15/04/1999 पासून अंमलात आला.

सदयस्थितीत या कायद्यान्वये इतर (वैदिक, धार्मिक, इत्यादी) पध्दतीने झालेल्या विवाहाची नोंदणी सध्या स्थानिक स्वराज्य संस्थेच्या (Local Bodies) अधिका-याकडून केली जाते.

त्यापूर्वी मुंबई विवाह नोंदणी अधिनियमक, 1953, या कायद्यांतर्गत या विवाहाची नोंदणी करण्यात येत होती. सदरचा कायदा निरसित झाला असला, तरी या कायद्यांतर्गत नोंदविलेले विवाह वैधरित्या नोंदविले आहेत, असे समजण्यात येते.